0:00
/
1ܘܟܲܕ ܨܠܹܐܠܹܗ ܡ̣ܢ ܛܘܼܪܵܐ: ܬܒܸܥܠܗܘܿܢ ܐܸܠܹܗ ܟܸܢܫܹ̈ܐ ܪܵܒܵܐ. 2ܘܗܵܐ: ܚܲܕَ ܓܸܪܒ̣ܵܢܵܐ ܐَܬܹܠܹܗ ܣܓܸܕܠܹܗ ܐܸܠܹܗ: ܘܐَܡܝܼܪܹܗ: ܡܵܪܝܼ: ܐܸܢ ܒܵܥܹܝܬ: ܟܹܐ ܡܵܨܸܬ ܠܕܵܟ̣ܘܿܝܝܼ. 3ܘܝܼܫܘܿܥ ܦܘܼܫܛܵܠܹܗ ܐܝܼܕܹܗ ܕܩܸܪܹܗ ܒܝܹܗ: ܘܐَܡܝܼܪܹܗ: ܒܸܒܥܵܝܵܐ ܝܘܸܢ: ܦܘܼܫ ܕܸܟ̣ܝܵܐ. ܘܕܲܪܣܲܥܲܬ ܕܟܹܐܠܹܗ ܓܸܪܒܹܗ. 4ܘܐَܡܝܼܪܹܗ ܐܸܠܹܗ ܝܼܫܘܿܥ: ܚܙܝܼ: ܕܠܐ݇ܢܵܫܵܐ ܠܵܐ ܐܵܡܪܸܬ: ܐܸܠܵܐ ܙܹܠَܐ ܡܲܚܙܝܼ ܓܵܢܘܼܟ ܠܟܵܗܢܵܐ: ܘܡܲܩܪܸܒ̣ ܩܘܼܪܒܵܢܵܐ ܕܦܩܸܕܠܹܗ ܡܘܼܫܹܐ ܠܣܵܗܕܘܼܬܵܝܗܝ. 5ܘܟܲܕ ܥܒܼܸܪܹܗ ܝܼܫܘܿܥ ܠܟܦܲܪܢܵܚܘܿܡ: ܐَܬܹܐܠܹܗ ܠܟܸܣܠܹܗ ܚܲܕَ ܩܸܢܛܪܘܿܢܵܐ: ܘܦܲܪܦܸܠ ܗ݇ܘܵܐ ܒܝܹܗ. 6ܘܐܵܡܸܪ: ܡܵܪܝܼ: ܝܵܠܕَܝܼ ܕܸܪܝܵܐ ܝܠܹܗ ܒܒܲܝܬܵܐ: ܫܦܝܼܠܵܐ: ܘܣܸܪܝܵܐ ܦܝܵܫܵܐ ܓ̰ܘܼܢܓܸܪܵܐ. 7ܐܵܡܸܪ ܐܸܠܹܗ ܝܼܫܘܿܥ: ܐܵܢܵܐ ܒܸܬ ܐܵܬܸܢ ܘܒܸܬ ܒܲܣܡܸܢܹܗ. 8ܓ̰ܘܼܘܸܒܠܹܗ ܩܸܢܛܪܘܿܢܵܐ ܘܐَܡܝܼܪܹܗ: ܡܵܪܝܼ: ܠܹܐ ܚܵܫܚܸܢ ܕܥܵܒܼܪܸܬ ܬܚܘܿܬ ܫܟܘܼܪܝܼ: ܐܸܠܵܐ ܗܲܪ ܐَܡܘܿܪ ܒܗܹܡܸܙܡܵܢ: ܘܒܸܬ ܒܵܣܸܡ ܝܵܠܕَܝܼ. 9ܣܵܒܵܒ ܐܘܼܦ ܐܵܢܵܐ ܐ݇ܢܵܫܵܐ ܝܘܸܢ ܬܚܘܿܬ ܗܘܼܟܡܵܐ: ܘܐܝܼܬ ܬܚܘܿܬ ܐܝܼܕܝܼ̈ ܣܲܪ̈ܒܵܙܹܐ: ܘܟܹܐ ܐܵܡܪܸܢ ܠܐܵܗܵܐ: ܙܹܠَܐ: ܘܟܹܐ ܐܵܙܸܠ: ܘܠܗ̇ܘ ܐ݇ܚܹܪ݇ܢܵܐ: ܬܵܐ: ܘܟܹܐ ܐܵܬܹܐ: ܘܠܪܹܓܝܼ: ܥܒ̣ܘܿܕ ܐܵܗܵܐ: ܘܟܹܐ ܥܵܒܸܕ. 10ܘܟܲܕ ܫܡܸܥܠܹܗ ܝܼܫܘܿܥ: ܥܘܼܓ̰ܸܒܠܹܗ: ܘܐَܡܝܼܪܹܗ ܠܐܵܢܝܼ ܕܒܹܐܬܵܝܵܐ ܗ݇ܘܵܘ ܥܲܡܹܗ: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܐܘܼܦ ܓܵܘ ܝܼܣܪܵܝܹܠ ܠܵܐ ܡܘܼܫَܟ̰ܸܚܠܝܼ ܐܲܝܟܼ ܕܐܵܗܵܐ ܗܲܝܡܵܢܘܼܬܵܐ. 11ܘܐܵܢܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܪܵܒܵܐ ܒܸܬ ܐܵܬܝܼ ܡ̣ܢ ܡܲܕܢ̱ܚܵܐ ܘܡ̣ܢ ܡܲܥ̱ܪܒ̣ܵܐ: ܘܒܸܬ ܝܵܬܒ̣ܝܼ ܥܲܡ ܐܲܒ̣ܪܵܗܵܡ ܘܐܝܼܣܚܵܩ ܘܝܲܥܩܘܿܒ̣ ܒܡܲܠܟܘܼܬܵܐ ܕܫܡܲܝܵܐ. 12ܐܝܼܢܵܐ ܒܢܘܿܢܹ̈ܐ ܕܡܲܠܟܘܼܬܵܐ ܒܸܬ ܦܵܠܛܝܼ ܠܚܸܫܟܵܐ ܒܲܪܵܝܵܐ: ܬܵܡܵܐ ܒܸܬ ܗܵܘܹܐ ܒܸܟ̣ܝܵܐ ܘܚܲܪܚܲܟ̰ܬܵܐ ܕܟܹܟܹ̈ܐ. 13ܘܐَܡܝܼܪܹܗ ܝܼܫܘܿܥ ܠܗ̇ܘ ܩܸܢܛܪܘܿܢܵܐ: ܙܹܠَܐ: ܕܵܐܟ̣ܝܼ ܕܗܘܼܡܸܢܘܼܟ: ܗܵܘܹܐ ܠܘܼܟܼ. ܘܒܣܸܡܠܹܗ ܝܵܠܹܕَܗ ܒܗ̇ܝ ܣܵܥܲܬ. 14ܘܐَܬܹܐܠܹܗ ܝܼܫܘܿܥ ܠܒܲܝܬܹܗ ܕܟܹܐܦܵܐ: ܘܚܙܹܐܠܹܗ ܠܚܡܵܬܹܗ ܕܡܝܼܟ̣ܬܵܐ ܘܕܒ̣ܝܼܩܬܘܼܗ̇ ܐܫܵܬܵܐ. 15ܘܕܩܸܪܹܗ ܒܐܝܼܕܵܗ̇ ܘܫܒ̣ܝܼܩܵܠܵܗ̇ ܐܫܵܬܵܐ: ܘܩܸܡܠܵܗ̇ ܘܥܵܒ̣ܕܵܗ̇ ܗ݇ܘܵܐ ܠܗ݇ܘܿܢ ܚܸܠܡܲܬ. 16ܘܟܲܕ ܗَܘܹܐܠܹܗ ܪܲܡܫܵܐ: ܡܘܼܬَܝܹܠܗܘܿܢ ܩܵܕَܡܘܼܗܝ ܕܲܝܘܵܢܹ̈ܐ ܪܵܒܵܐ: ܘܦܘܼܠܸܛܠܹܗ ܕܲܝܘܹ̈ܐ ܒܗܹܡܸܙܡܵܢ: ܘܠܟܠܵܝܗܝ ܐܵܢܝܼ ܕܣܸܪܝܵܐ ܡܸܪܥܝܹܐ ܗ݇ܘܵܘ ܒܘܼܣܸܡܠܹܗ. 17ܕܦܵܐܹܫ ܬܘܼܡܸܡܵܐ ܡܸܢܕܝܼ ܕܦܸܫܠܹܗ ܐَܡܝܼܪܵܐ ܒܝܲܕ ܐܹܫܲܥܝܵܐ ܢܒ̣ܝܼܵܐ: ܕܐَܡܝܼܪܹܗ: ܗ̇ܘ ܫܩܸܠܹܗ ܕܲܪܕܲܢ ܘܡܲܪ̈ܥܲܢ ܛܥܸܢܹܗ. 18ܘܟܲܕ ܚܙܹܐܠܹܗ ܝܼܫܘܿܥ ܟܸܢܫܹ̈ܐ ܪܵܒܵܐ ܠܚܵܕܸܪ̈ܘܵܢܘܼܗܝ: ܦܩܸܕܠܹܗ ܕܐܵܙܠَܝܼ ܠܗ̇ܘ ܡܲܪܙܵܐ ܐ݇ܚܹܪ݇ܢܵܐ: 19ܘܐَܬܹܐܠܹܗ ܚܲܕَ ܣܵܦܪܵܐ ܘܐَܡܝܼܪܹܗ ܐܸܠܹܗ: ܪܵܒܝܼ: ܒܸܬ ܐܵܬܸܢ ܒܵܬَܪܘܼܟ ܠܐܲܝܟܵܐ ܕܐܵܙܸܠَܬ. 20ܐܵܡܸܪ ܐܸܠܹܗ ܝܼܫܘܿܥ: ܬܲܥ̈ܠܹܐ ܒܸܙܥܵܙܹ̈ܐ ܐܝܼܬ ܠܗ݇ܘܿܢ: ܘܛܲܝܪܹ̈ܐ ܕܫܡܲܝܵܐ ܕܘܼܟܵܢܹ̈ܐ ܕܫܪܵܝܬܵܐ: ܐܝܼܢܵܐ ܒܪܘܿܢܹܗ ܕܐ݇ܢܵܫܵܐ ܠܲܝܬ ܠܹܗ ܕܘܼܟܵܐ ܕܡܲܬܸܒ̣ ܪܹܫܹܗ. 21ܘܚܲܕَ ܐ݇ܚܹܪ݇ܢܵܐ ܡ̣ܢ ܬܲܠܡܝܼܕܘܼ̈ܗܝ ܐَܡܝܼܪܹܗ ܐܸܠܹܗ: ܡܵܪܝܼ: ܗܲܒَܠ ܠܝܼ ܕܲܣܬܘܼܪ ܩܵܕَܡܵܝܬܵܐ ܕܐܵܙܸܠَܢ ܩܵܒ̣ܪܸܢ ܠܒܵܒܝܼ. 22ܐܝܼܢܵܐ ܝܼܫܘܿܥ ܐَܡܝܼܪܹܗ ܐܸܠܹܗ: ܬܵܐ ܒܵܬَܪܝܼ: ܘܫܒ̣ܘܿܩ ܡܝܼܬܹ̈ܐ ܩܵܒ̣ܪܝܼ ܡܝܼܬܵܝ̈ܗܝ. 23ܘܟܲܕ ܐ݇ܣܸܩܠܹܗ ܝܼܫܘܿܥ ܠܓܵܡܝܼ: ܐَܙܸܠܗܘܿܢ ܒܵܬَܪܹܗ ܬܲܠܡܝܼܕܘܼ̈ܗܝ. 24ܘܗܵܐ: ܫܥܵܫܵܐ ܓܘܼܪܵܐ ܗَܘܹܐܠܹܗ ܒܝܵܡܵܐ: ܕܐܵܟ̣ܝܼ ܕܓܵܡܝܼ ܦܵܝܫܵܐ ܗ݇ܘܵܐ ܟܘܼܣܝܼܬܐ ܡ̣ܢ ܠܲܦܹ̈ܐ: ܐܝܼܢܵܐ ܗ̇ܘ ܕܡܝܼܟ̣ܵܐ ܗ݇ܘܵܐ. 25ܘܐ݇ܬܹܐܠܗܘܿܢ ܬܲܠܡܝܼܕܘܼ̈ܗܝ ܕܡܲܪܥܸܫܝܼ ܗ݇ܘܵܘ ܠܹܗ: ܒܹܐܡܵܪܵܐ: ܡܵܪܲܢ: ܦܵܨܝܼ ܠܲܢ: ܒܸܬܠܵܩܵܐ ܝܘܵܚ. 26ܘܐܵܡܸܪ ܐܸܠܵܝܗܝ ܝܼܫܘܿܥ: ܩܵܡܘܿܕܝܼ ܙܵܕܘܿܥܝܹ̈ܐ ܝܬܘܿܢ: ܝܵܐ ܟܝܼܡ ܗܲܝܡܵܢܘܼܬܵܐ: ܗ̇ܝܓܵܗ ܩܸܡܠܹܗ ܘܢܓ̰ܘܼܠܹܗ ܒܦܵܘܚܵܐ ܘܒܝܵܡܵܐ: ܘܗَܘܹܐܠܹܗ ܫܠܵܝܵܐ ܓܘܼܪܵܐ. 27ܐܝܼܢܵܐ ܐ݇ܢܵܫܹ̈ܐ ܥܘܼܓ̰ܸܒܠܗܘܿܢ: ܒܹܐܡܵܪܵܐ: ܕܵܐܟ̣ܝܼ ܐ݇ܢܵܫܵܐ ܝܠܹܗ ܐܵܗܵܐ ܕܐܘܼܦ ܦܵܘܚܹ̈ܐ ܘܝܵܡܵܐ ܡܲܨܝܘܼܬܹܐ ܝܢܵܐ ܐܸܠܹܗ. 28ܘܟܲܕ ܐَܬܹܐܠܹܗ ܝܼܫܘܿܥ ܠܡܲܪܙܵܐ ܐ݇ܚܹܪ݇ܢܵܐ ܠܐܲܬܪܵܐ ܕܓܸܕܪ̈ܵܝܹܐ: ܬܦܸܩܠܗܘܿܢ ܒܝܹܗ ܬܪܹܝ ܕܲܝܘܵܢܹ̈ܐ ܒܸܦܠܵܛܵܐ ܡ̣ܢ ܒܹܝܬ ܩܒ̣ܘܼܪܹ̈ܐ: ܨܪ̈ܝܼܚܹܐ ܪܵܒܵܐ: ܗܲܕܟ̣ܵܐ ܕܐ݇ܢܵܫܵܐ ܠܹܐ ܡܵܨܹܐ ܕܥܵܒܸܪ ܗ݇ܘܵܐ ܒܗ̇ܝ ܐܘܼܪܚܵܐ. 29ܘܗܵܐ: ܡܘܼܩܘܸܚܠܗܘܿܢ ܒܹܐܡܵܪܵܐ: ܡܵܐܠܘܼܟܼ ܡܸܢܲܢ: ܝܼܫܘܿܥ ܒܪܘܿܢܹܗ ܕܐܲܠܵܗܵܐ: ܐَܬܹܐܠܘܼܟܼ ܠܲܐܟ̣ܵܐ ܡܩܵܕَܡ ܙܲܒ̣ܢܵܐ ܠܓ̰ܲܢܓ̰ܘܼܪܲܢ. 30ܐܝܼܢܵܐ ܐܝܼܬ ܗ݇ܘܵܐ ܪܸܚܩܵܐ ܡܸܢܵܝܗܝ: ܒܲܩܪܵܐ ܕܚܙܘܼܪܹ̈ܐ ܪܵܒܵܐ ܕܒܸܪܥܵܝܵܐ. 31ܘܐܵܢܝܼ ܕܲܝܘܹ̈ܐ ܦܘܼܪܦܸܠܗܘܿܢ ܒܝܹܗ: ܒܹܐܡܵܪܵܐ: ܐܸܢ ܦܵܠܛܸܬ ܠܲܢ: ܗܲܒَܠ ܠܲܢ ܕܲܣܬܘܼܪ ܕܐܵܙܵܠَܚ ܓܵܘ ܒܲܩܪܵܐ ܕܚܙܘܼܪܹ̈ܐ. 32ܐܵܡܸܪ ܐܸܠܵܝܗܝ ܝܼܫܘܿܥ: ܙܹܠَܡܘܿܢ: ܘܦܠܸܛܠܗܘܿܢ ܘܥܒܼܸܪܗܘܿܢ ܓܵܘ ܚܙܘܼܪܹ̈ܐ: ܘܗܵܐ: ܟܠܵܗ̇ ܒܲܩܪܵܐ ܪܚܸܛܠܵܗ̇ ܠܥܸܠܸܠ ܠܸܫܩܝܼܦܵܐ ܢܦܸܠܗܘܿܢ ܒܝܵܡܵܐ؛ ܘܡܸܬܠܗ݇ܘܿܢ ܓܵܘ ܡܝܼ̈ܵܐ. 33ܐܝܼܢܵܐ ܐܵܢܝܼ ܕܡܲܪܥܘܼܝܹܐ ܗ݇ܘܵܘ ܥܪܸܩܠܗܘܿܢ ܘܐَܙܸܠܗܘܿܢ ܠܡܕܝܼܢَܬܵܐ: ܘܡܘܼܕܸܥܠܗܘܿܢ ܟܠ ܡܸܢܕܝܼ: ܘܗ̇ܝ ܕܗَܘܹܐ ܠܵܗ̇ ܠܕܲܝܘܵܢܹ̈ܐ. 34ܘܗܵܐ: ܦܠܸܛܠܵܗ̇ ܟܠܵܗ̇ ܡܕܝܼܢَܬܵܐ ܠܐܘܼܪܚܹܗ ܕܝܼܫܘܿܥ: ܘܟܲܕ ܚܙܹܐܠܗܘܿܢ ܐܸܠܹܗ: ܦܘܼܪܦܸܠܗܘܿܢ ܒܝܹܗ ܕܫܵܢܹܐ ܡ̣ܢ ܬܸܚܘܼܒܵܝ̈ܗܝ.